هَلْ مِنْ ناصِرٍ یَنْصُرُنی (کیا کوئی مدد کرنے والا ہے جو میری مدد کرے؟)

هَلْ مِنْ ناصِرٍ یَنْصُرُنی

کیا کوئی مدد کرنے والا ہے جو میری مدد کرے؟

جب امام حسینؑ کے تمام جانثار شہید ہوگئے اور آپؑ اکیلے رہ گئے تو آپؑ نے اِتمامِ حجت کے لیے استغاثہ کیا کہ 

هل من ذاب يذب عن حرم رسول اللہ صلى الله عليه وآله وسلم هل من موحد يخاف الله فينا هل من مغيث يرجو الله بإغاثتنا هل من معين يرجو ما عند الله في إعانتنا

کیا کوئی دفاع کرنے والا ہے جو حرم رسول اللہ (صلی اللہ علیہ وآلہ وسلم) کا دفاع کرے؟ کیا کوئی خوف خدا رکھنے والا ہے جو ہمارے بارے میں خدا سے ڈرے؟ کیا کوئی فریادرس ہے جو ہماری فریاد کو سن کر اللہ سے امیدوار ہو؟ کیا کوئی مدد کرنے والا ہے جو ہماری مدد کر کے اللہ کی عطا کا امیدوار ہو؟ [سید بن طاؤس، اللہوف، 1348ہجری شمسی، ص116]

امام حسینؑ نے اس سے پہلے قصر بنی مقاتل کے مقام پر عبید اللہ بن حر جعفی سے مدد چاہی اور اس نے عذر پیش کیا تو آپؑ نے عبید اللہ سے کہا کہ وہاں سے کہیں اور چلا جائے کیونکہ اگر کوئی امامؑ کے استغاثے کو سنے اور مدد نہ کرے تو خدا اس کو ہلاک کردے گا۔ [طبری، تاریخ الامم و الملوک، 1387ھ، ج5، ص407]

 بعض علماء جملہ لَبَّیکَ یاحسینؑ کو عاشور کے دن امام حسینؑ کے استغاثے کا جواب تصور کرتے ہیں۔