اہل تسنّن کے مشہور و معروف مفسّرِ قرآن علامہ جلال الدین السیوطی اپنی تفسیر الدر المنثور میں لکھتے ہیں کہ جب یہ آیت سرورؐ کائنات کے سینہء اقدس پر نازل ہوئی کہ "ان
گھروں میں الله اجازت دیتا ہے کہ ان گھروں کو بلند کیا جائے اور اس کے نام کا ذکر کیا جائے.." تو ایک شخص نے کھڑے ہوکر سوال کیا: اے الله کے رسول ؐ، یہ کون سے گھر ہیں؟ آپ صلی الله علیہ وآلہ وسلم نے جواب دیا: یہ انبیاءکے مکانات ہیں۔ اس پر ابوبکر نے کھڑے ہوکر علیؑ و فاطمہؐ کے گھر کی طرف اشارہ کرتے ہوئے سوال کیا :”کیا یہ گھر بھی ان گھروں میں سے ہے؟”۔ آپؐ نے فرمایا: ہاں! ان سے بھی افضل ہے۔ [تفسیر الدر المنثور (سورۃ النور)]
_____
حاکم نیشاپوری نے المستدرک میں نقل کی ہے کہ انس بن مالک کہتے ہیں کہ رسول اکرم ﷺ ۔۔۔ جب بھی آپؐ نماز صبح کے لئے تشریف لے جاتے تو فاطمہ زہراء سلام اللّٰه علیہا کے دروازے کے سامنے کھڑے ہوتے اور فرماتے الصلاۃ یا اھل البیت ، اور پھر آپؐ آیت مجیدہ انما یرید الله (القرآن 33:33) ۔۔۔۔ کی تلاوت فرماتے۔ ( صحیح الترمذی۵: ۳۲۸۔ مسند احمد بن حنبل۲: ۲۰۹۔ المستدرک۳: ۱۵۸)
